Ads 468x60px

Featured Posts

Sunset View

This is the sunset view from the Boni, EDSA MRT Station in Mandaluyong City, Philippines. When I saw the fantastic scene, I immediately grabbed my camphone and took a shot!

That Pastry!

This is one sweet dessert we got from Seattle's Best Coffee shop. We will surely comeback for this!

Chess Game

Chess... one of the first board games I've ever learnt to play.

6/16/2014

Commuter Perks: Uwian na.

Dali-dali mong tinapos ang iyong trabaho nang makita mo na tatlong minuto ka ng overtime. Sa pagmamadali mong makalaya sa mistulang kulungan ng kaligayahan ay muntikan mo pang makalimutan ang mag 'log out'. Nagtatakbo ka sa may elevator at may higit isang minutong nanguyakoy ng nakatayo habang hinihintay makaakyat ang lift mula sa garahe hanggang sa ika-apat na palapag kung saan ka naroon. Sa may bulwagan ng gusali ay hinarang ka pa ng dalawang guwardya upang siyasating maigi ang laman ng iyong bag.

Sa wakas ay nakalapag ka na rin sa mismong mundo. Dinama mong mabuti ang nagbabagang simento at nasabing, "Shet! ang inet!". Mainit pero makulimlim sa kabilang dako. Maalinsangan ang panahon. Bagnas pawis mong nilakad ang may tatlong daang metrong layo ng himpilan ng bus mula sa tarangkahan ng iyong pinagtatrabahuhan. Habang nilalakad-takbo mo ang direksyon ng iyong patutunguhan ay napatigil ka nang dumaan ang bus na dapat mong sasakyan. Wala pa sa kalahati ang iyong narating kung kaya't nag-iyak-tawa ka na lang.

Pagdating mo sa himpilan ay napansin mong may dalawampung katao na agad na dito ay nag-aabang ng masasakyan. May limang pangunahing destinasyon ang mga bus na nagdaraan dito. May liliko ng Ayala, didiretso ng Alabang, gagawing FTI, dadaan sa Baclaran, at ang biyaheng Pala-pala. Dumaan ang bus na rutang Ayala at may limang katao ang agad nitong naisakay. Dumaan ang Baclaran at nasa pito ang nag-uunahang makasampa dito. Paparating na ang biyaheng FTI at may tatlo o apat na nagtutulakang makaakyat sa estribo ng bus. Marami-rami na rin ang nabawas sa hanay ng mga pasaherong naghihintay. Hindi pa dumarating ang bus na dapat mong sakyan. Pagdaan ng biyaheng Alabang ay halos naubos mo na sa countdown ang dalawampung iyong nadatnan. Ngunit paglingon mo sa paligid ay halos dumoble pa ang bilang ng mga nag-aabang. Ang tao sa Metro Manila ay parang mga langgam, kawawalis mo pa lang ay isang pulutong na naman ang nandiyan.

Pumwesto ka na sa may bandang harapan dahil nararamdaman mo nang paparating na ang iyong tagapagligtas. Makalipas ang mahigit dalawampung minuto ay dumating din siya. Sinalubong mo ito upang masigurado na ikaw ang unang maisakay. Paghinto ng bus ay ikinagulat mong panglima kang nakasampa. Ni-hindi mo na maalala kung saan nagmula ang mga nakasabay mo sa pila.

Sa loob ng bus...

O dikit-dikit na lang ho, O dikit-dikit pa! O padaanin 'nyo po kung ayaw ninyong umatras. O pakisandal na lang po sa kanan at paraanin sa kaliwa O ng makapasok na. Tapatan na lang po tayo kaliwa't kanan d'yan O. Yung malalayo pa dito na umatras na sa likod O. O yung mga bayad, pakiabot na lang O. O san ka iho?

Tayuan. Siksikan. Mainit. Pawisan. Kiskisan ng mga balat at ng kung anu-ano pang maaaring kumiskis. Heto ang normal na eksena sa isang bus kapag uwian na ng karamihan.



To be continued...
Read more >>

6/09/2014

Usaping Wika

hu r u to do 2 tell me what doing! Your discussting n patethick! Shut yor mouth U peace of shet!! I don care whose your family is? Who ever you r U can full me! Im smArt!! and uR dam. you no? s2pid more on? duh. bWe33z3t tAlaguh

Sakit ba sa ulo? Ako rin, nahirapan sa paglikha nyan.

Ang wikang ingles ay isa lamang sa maraming wika na ating nalalaman bilang mga Pilipino. At dahil d'yan ay taas-noo nating kayang sabihin na tayo ay 'bilingual' o 'multi-lingual'. Kaya tayo mahal ng maraming turista ay dahil kumpara sa ibang mga bansa at lahi ay kaya nating makipag-sabayan sa pakikipagtalastasan sa iba't ibang nasyonalidad. Nararapat lamang na ito'y ating ipagmalaki, subalit huwag naman nating abusuhin.

Mga kaibigan, Pinoy po tayo. Kung hindi naman banyaga ang kausap natin o magbabasa ng sinusulat natin, hindi po natin kailangang mag-ingles ng pilit. Hindi sa hindi pwede o hindi dapat, ngunit 'hindi kailangan'...

Ang magkamali sa wikang banyaga ay hindi naman natin dapat ikahiya dahil hindi naman ito sariling atin. Ang mas nakakahiya ay kung sa mismong sarili nating pambansang wika, nahihirapan pa tayong makipag-usap ng matuwid at nasa ayos. ajejeje

(inspired by social media comments section)
Read more >>

6/07/2014

Commuter Perks

Commuter Perks:
Experience Level: Expert
Sumakay ka ng jeep. Punuan. Siksikan. May maaamoy kang Lady's Choice. Pero wala namang kumakain ng sandwich... kaya mag-iimbistiga ka. Nasaan ang salarin? Unti-unti ay mapagtatanto mong ang lady's choice ay nagiging amoy sinigang sa sampalok at ito'y nanununtok. Mabibigla ka at marahan mong maidadampi ang iyong hintuturo sa bandang ilalim ng iyong ilong.
Mabilis na kumikilos ang iyong mga mata upang maghanap ng ebidensya. Pero mahirap mahuli ang kalaban. Wala kang magawa kundi ihilamos ang iyong buong palad sa iyong mukha dahil nakapag-bayad ka na. Nauubusan ka na ng pasensya at galaw kaya tinakpan mo na ng buo mong kamay ang iyong ilong at bibig at waring nangangalumbaba at nag-iisip ng malalim.
Para itong isang kumakalat na epidemya. Nanunuot ito sa mga singit-singit ng iyong mga daliri at minsanang napapatambay sa butas ng iyong ilong. Hindi na magkamayaw ang iyong mukha sa kung papaanong ekspresyon pa ang kaya nitong gawin sa hindi maipahiwatig na nararamdaman.
May bumaba at may sumakay... isang dalagang estudyante na mukhang mabango. Hindi ka na nagdalawang isip na patabihin sya sa iyo. Mukhang nakaramdam din sya at nagbuhos ng may hindi kamahalang cologne. Agad-agad mong nilanghap ang aroma nito. Ngunit sa bandang dulo ay pumitik at sumampal sa iyo ang muli'y nagpapakilalang asim ng sinigang.
Wari'y humahagod at sa tindi ng tama ay para kang uminom ng isang basong Gin na walang panawid-lasa. Gumuguhit sa lalamunan. Unti-unti ka nang nahihilo. Agad kang lumingon papalayo at kinausap ang isang ale sa iyong tabi. Kunwari'y natatawa ka sa inyong usapan, pero ang totoo ay natatawa ka na sa sarili mo dahil hindi na magkaintindihan ang iyong ilong at utak kung papaano mo paniniwalain ang sarili na sariwa pa ang hangin.
Sa kahabaan ng tatlong kilometrong ispalto ay humarurot ang mamang tsuper. Sa wakas ay napawi ng humahagaspas na hangin ang malubha mong suliranin. Parang mas gusto mo pa ang amoy ng pinaghalong dumi at ihi ng baboy na napabayaan ng isang linggo kumpara sa amoy ng isdang ibinabad sa pinaghalo-halong suka't toyo, sampalok at kamatis, kalamansi at mayonnaise, at panis na paa na ibinuro ng isang dekada.
Sa wakas ay papara ka na sa may kanto sa tabi ng 7-11, at baba ka na. Sarap mag commute...
Read more >>

11/05/2012

The Road to Happiness

| #acceptance > #love > #happiness |
..Let me quote myself from a drinking session with my friends...

If you love what you love doing then stop complaining. If love is never enough, then what could be the missing puzzle piece? ...acceptance!

If you learn to accept yourself and others for what it is or for who they are, you will gain respect and you will start respecting them. You will begin to trust them no matter when, and no matter what. You will find yourself in-love with which or with whom you accept. If you share this same understanding, then a relationship is not impossible. And I believe this is what will truly make us happy.  All the other good things we expect should follow.

The first time I opened myself to the word "acceptance" is with this very own statement I used as my principle in life, "The first step to moving on is acceptance." But only just a couple of days ago did I realize that this should actually be the first step before anything else. I was so focused on how to cope up with broken things and broken relationships that I tried to find the right words to help me move forward after it. I didn't know that had it been the case first hand, then it shouldn't have come a long way just to end up wasted.

When you accept something in your life, it becomes a part of you. Time may change everything but the fact still remains that this is what you have accepted in the past. If it has gone too far out from what you have expected it to be and don't know anymore of what it had become, when you feel that things are no longer acceptable and everything is just so out of hand, then you can probably start entertaining the act of letting go.

Acceptance applies to a lot of things, probably everything that I know of, career, love, personal and non-personal matters. When you accept something, it means that you very well understand everything that comes along with it. You trust it in every situation. You will love loving it and will never feel complaining of any sort. Because you are happy and will be happy with it in any experiences you'd have with it. You sacrifice yourself. You become selfless and you can give everything you are. There will be times of troubles and sadness but at the end of the day, you will still go back to it and it will still come back to you and happiness is just all around the corner.

Love - I thought this was everything we would ever need. When I was told by someone that love was not enough and I asked what was lacking, neither of us was able to pull the answer. But now I understand. In order for us to be happy, we should be able to love. In order for us to love truly, we should be able to trust at any cost. Before we could trust, there comes respect and understanding. But in order for us to truly feel this, we first need to accept. Then we can all live freely with no worries nor regrets.

Like a relationship of a mother to its child, nothing feels more greater than the bond created by their acceptance, trust, deep understanding, and love for each other. That, my friends, is true happiness...
Read more >>

10/06/2012

Spolarium - Eraserheads

May nabasa ako kani-kanina lang sa news feed ng Facebook ko tungkol sa kantang ito. Matagal ko ng gusto at isa sa mga paboritong obra ng Eraserheads and Spolarium, pero ngayon lang nabuksan ang isip ko sa mga lirikong binibigkas ko sa tuwing sasabayan ko ang nasabing kanta. Habang binabaybay ko ang bawat salita, talata, pangungusap at ang mensahe nito ay tumitindig ang mga balahibo ko at wari bang may naririnig na sigaw mula sa aking kalooban. Habang kinakanta ko ito kahit sa isip lang or pinapakinggan ko ito ay unti-unting nabubuo sa aking isipan ang larawan na binibigkas ng may akda.

Nakakalungkot na may ganitong mga pangyayari. Nakakalungkot din na sa tinagal-tagal na nitong nakabaon ay naglalabasan pa ito ngayon - na parang nananadya.

Hindi ko masabing fan ako ng TVJ pero natutuwa ako at nakahiligan ko ng pakinggan ang mga comedic albums nila simula ng ipakilala ito sa akin ng mga kapatid, pinsan, at tiyuhin ko. Mas nakasanayan ko ng mapanuod sa telebisyon ang dalawa sa tatlong premyadong kumedyante ng Dekada Ochenta, sina Vic at Joey. Aaminin ko na hindi ko masyadong gusto si Tito Sotto.

Sa kabila nito, ngayon ko lang napag-alaman ang dati at matagal na palang kaso na kanilang kinasangkutan. Ito ay ang rape case ni Pepsi Paloma. Nalaman ko ito ng may mabasa akong post sa Facebook sa kung anong tunay na mensahe ng kantang Spolarium ng Eraserheads. Isa akong batang 90's at Eraserheads ang naging institusyon ng bandang Pinoy, para sa akin, noong kabataan ko. Kaya naman naging interesado ako sa kwentong ito nung una ko itong mabasa.

Ang sabi sa mga pahayag ay may nakatago daw na mensahe ang kantang ito na nagkekwento kung ano ang naganap sa kasong ipinaglalaban noon ni Pepsi Paloma. Pero kung tutuusin, habang pinapakinggan ko ang kanta sa loob ng aking isipan ay parang napaka-straightforward nito. Literal nitong inilalahad kung ano ang mga kaganapan noong panahong iyon, ayon sa aking mga nabasa at nasaliksik.

Ayon sa aking mga nabasa ay tungkol ang Spolarium ng Eraserheads kay Pepsi Paloma na bago ang tangka o naganap na panggagahasa ay nagkaroon muna ng inuman. Waring nilasing ng tatlong sangkot na sikat na sina Vic, Joey, at Richie ang modelo o aktres na si Pepsi hanggang sa mawalan ito ng malay at hindi na makapanlaban. Saka naman siya hinalay at pinag samantalahan ng tatlong akusado. Hindi na napatunayan o natuloy matapos ang naisampang kaso ng mabalitaang isang araw ay nakitang nakabikti si Pepsi Paloma sa tangkang pagpapakamatay.

Kung babaybayin ko ngayon ang lyrics ng kantang Spolarium ay parang hindi na nga kailangan pang ipaliwanag ang mensahe nito na kahit sino ay kayang idetalye ang mga pangyayari. Nagmistulang boses ng yumaong si Pepsi Paloma (na sinasabing biktima ng panggagahasa) ang mismong awitin na nilikha ng aking idolo na si Ely. Para itong nagsilbing testigo na hindi na maaaring mabura o mamatay sa isipan ng mga taong nakarinig na nito.

Susubukan kong ipaliwanag ang bawat linya ng kantang ito ayon sa aking pagkakaunawa ukol sa nasabing insidente.

Dumidilim ang paligid - (siguro gabi na o nasa madalim na lugar o di kaya naman ay medyo nakainom na at hindi na malinaw ang paningin)May tumawag sa pangalan ko - (biglang tinawag ang kanyang pangalan)Labing isang palapag - (sa isang gusaling may labing isang palapag o nasa ikalabing isang palapag sila ng gusali ng mga panahong iyon)Tinanong kung okey lang ako - (nung pagkatawag sa pangalan nya ay tinatanong pa sya kung okay lang ba sya, isang normal na tanong sa inuman na tatanungin ka kung "okay ka pa ba?")Sabay abot ng baso - (sabay inabot ang baso ng alak - karaniwan, okay ka man o hindi eh dadaan at dadaan sayo ang baso ng alak kahit di mo na kaya)May naghihintay - (sasabihin pang may naghihintay sa ikot ng baso)At bakit ba'pag nagsawa na akoBigla na lang ayoko na - (may mga oras na pag sobrang wasak at basag ka na sa inuman, alam mong ayaw mo na)
At ngayon Di pa rin alamKung bat' tayo nandito - (mapapaisip ka bigla kung bakit ka ba nandun sa lugar at sitwasyon na yun)Puwede bang itigil munaAng pag-ikot ng mundo - (habang lasing at bangag na bangag ka sa tindi ng tama ng alak ay umiikot ang mundo mo at nananalangin ka na sana ay huminto ito)
Lumiwanag ang buwan - (mukhang malalim na ang gabi)San Juan - (waring naganap ito sa bayan ng San Juan)Di ko na nasasakyan Ang lahat ng bagay ay Gumuguhit na lang Sa 'king lalamunan - (kapag sobrang lasing ka na, madalas ay di ka na makasakay sa mga pinag uusapan o sa mga mismong nagaganap. Tanging ang pagguhit na lamang ng alak na mainit na dumadaloy sa iyong lalamunan ang iyong nararamdaman)
Ewan mo at ewan natinSinong may pakana?- (sino nga ba?)[ From: http://www.metrolyrics.com/spolarium-lyrics-eraserheads.html ]At bakit ba Tumilapon angGintong alak diyan sa paligid mo? - (waring natapik ang isang bote ng alak at natapon ito sa sahig sa sobrang kalasingan)
At ngayon Di pa rin alamKung ba't tayo nandito - (habang naiisip mo at di maalala kung bakit ka nga ba nandoon)Puwede bang itigil munaAng pag-ikot ng mundo - (masyado ng mabilis ang mga pangyayari pwede bang itigil muna kahit isang saglit lang, makapag isip man lang, masyado ng masakit ang ulo na parang sasabog, umiikot ang paningin, wala ng naiintindihan, maaaring may masama ng nagaganap ngunit di mapaghusay ang isip at ang tanging magagawa ay umiyak na lamang)
Umiyak ang umaga (hmm) - (maaaring literal na umiyak o umulan kinaumagahan)Anong sinulat ni Enteng at Joey diyan - (maaaring literal o matalinhagang paglalarawan ng kaganapan matapos lumipas ang magdamag... literal bang may sinulat si Enteng at Joey sa isang gintong salamin?)Sa gintong salamin Di ko na mabasaPagkat merong nagbura - (o isa ba itong pagpapahayag ng buong pangyayare ng mga sandaling iyon ngunit unti-unting binubura ang lahat ng bakas at ebidensya o hindi na nya maalala ang mga eksaktong naganap dala ng kalasingan)
Ewan mo at ewan natinSinong nagpakana?- (nandoroon pa rin ang iyong pag-aagam-agam)At bakit ba tumilapon ang spolariumDiyan sa paligid mo? - (at ang tanging bakas na lamang na naiwan ay ang natapong beer sa iyong kinalalagyan)
At ngayon Di pa rin alamKung ba't tayo nandito - (hanggang pag-gising mo ay hindi mo alam kung anong ngyare at kung anong ginagawa o ginawa mo)Puwede bang itigil munaAng pag-ikot ng mundo - (masakit pa rin ang ulo at nagsusumamong sana'y huminto na ito)
(maaari ring gulong-gulo na ang utak ng biktima.. kung isa akong babae at nabiktima ako ng gang rape, hanggang sa pag sasampa siguro ng kaso at habang nililitis ito ay umiikot pa rin paningin ko sa mundo na para bang masusuka ako at hihilingin ko ang pag hinto nito)

Read more: ERASERHEADS - SPOLARIUM LYRICS 



Ito ang painting ng Spoliarium ni Juan Luna. Kung ito ang gagamitin kong basehan ng paglalarawan sa binabanggit na naganap sa kanta na ginawa ng Eraserheads na Spoliarium ay kikilabutan ako sa mga binubuo ng aking imahinasyon.
Photo Credits to Wikipedia

Nakakalungkot lang na dahil sa tagal na nitong nangyari ay nagmimistula ito ngayong paninira na lamang sa ngayon ay mga institusyon na ng industriya ng pelikula, pagkanta, pagpapatawa, at ngayon ay marami ng natutulungang kapwa. Saludo ako sa mga napagtagumpayan na ng mabuti ng mga taong nabanggit. Kay na Joey, Vic, at ganon din at lalong-lalo na sa tanyag na nakamit ni Ely Buendia at ng dati niyang banda na Eraserheads.

Ngunit ganoon na nga ba katagal ang 1982? Dapat na nga bang talikuran ang nakaraan at tumulak na lamang sa kasalukuyan patungong hinaharap? May katotohanan ba na ang awiting ito ay ginawa para tukuyin ang mga naganap at tukuyin ang mga mismong salarin sa kasong ito? Kakantahin na lang ba natin sa tuwi-tuwina ang Spolarium ng walang bahala?

Para sa akin, ngayon ay tumatak na ang tunay na kulay ng awiting ito at sa tuwing kakantahin ko ito ay makakaramdam ako ng pagkalungkot, kilabot, at marami pang hindi maipaliwanag na saloobin. Lalo akong humanga kay Ely Buendia sa mga ganitong paraan ng paglikha ng kanta - isang tunay na obra.


Read more >>